Працягваем інфармацыйна-прававое партнёрства з БНП

8 жніўня намеснік дырэктара НЦПІ Вячаслаў Абрамаў прыняў удзел у чарговым пасяджэнні Беларускай натарыяльнай палаты.

У рамках мерапрыемства было станоўча разгледжана пытанне аб уключэнні ў рады натарыусаў Аляксея Малярава, Івана Маскалёва і Наталлі Яцэнка, якія ў найбліжэйшы час прыступяць да працы ў Мінскай гарадской і Брэсцкай натарыяльных акругах.

Намеснік старшыні БНП Таццяна Лісок павіншавала калег з уступленнем у прафесію, асабліва адзначыўшы высокі ўзровень даверу да дзейнасці натарыуса як прадстаўніка дзяржавы пры забеспячэнні правоў і законных інтарэсаў грамадзян і юрыдычных асоб.

З цёплымі пажаданнямі звярнуўся да новых натарыусаў намеснік дырэктара НЦПІ Вячаслаў Абрамаў. У сваім прывітальным слове ён падкрэсліў, што павага ў прафесійнай сферы дасягаецца праз цяжкую працу, асабістую прыстойнасць і адказнасць за вынікі сваёй працы.

Вячаслаў Анатольевіч адзначыў, што маладыя натарыусы валодаюць высокім узроўнем ведаў і кампетэнцый. У якасці надзейнай прававой асновы для ажыццяўлення прафесійнай дзейнасці новым натарыусам былі ўручаны сертыфікаты доступу да інфармацыйна-пошукавай сістэмы «ЭТАЛОН-ONLINE».