Агульныя палажэнні

Правядзенне экспертызы з’яўляецца адным з неад’емных элементаў нарматворчага працэсу і накіравана на забеспячэнне якасці нарматыўнага прававога акта.

Асноўнымі нарматыўнымі прававымі актамі, якія замацоўваюць віды экспертызы, выпадкі і парадак яе правядзення, з’яўляюцца:

• Закон Рэспублікі Беларусь ад 17 ліпеня 2018 г. № 130-З «О нормативных правовых актах»;
• Палажэнне аб Нацыянальным рэестры прававых актаў Рэспублікі Беларусь, зацверджанае Указам Прэзідэнта Рэспублікі Беларусь ад 20 ліпеня 1998 г. № 369;
• Палажэнне аб парадку правядзення крыміналагічнай экспертызы, зацверджанае Указам Прэзідэнта Рэспублікі Беларусь ад 29 мая 2007 г. № 244;
• Указ Прэзідэнта Рэспублікі Беларусь ад 30 снежня 2010 г. № 711 «О некоторых вопросах осуществления обязательной юридической экспертизы нормативных правовых актов»;
• Указ Прэзідэнта Рэспублікі Беларусь ад 12 красавіка 2018 г. № 135 «Об обязательной юридической экспертизе технических нормативных правовых актов»;
• пастанова Савета Міністраў Рэспублікі Беларусь ад 23 верасня 2006 г. № 1244 «Об обязательной юридической экспертизе нормативных правовых актов».

Грунтуючыся на палажэннях Закона Рэспублікі Беларусь «О нормативных правовых актах», экспертызу ў нарматворчым працэсе можна падраздзяліць на:

• абавязковую і неабавязковую;
• юрыдычную, крыміналагічную, фінансава-эканамічную, экалагічную, лінгвістычную і іншую (у залежнасці ад тэматычнага характару экспертызы).

Да абавязковай экспертызы ў нарматворчым працэсе адносяцца юрыдычная і крыміналагічная.

Фінансава-эканамічная, экалагічная, лінгвістычная і іншыя віды экспертызы праектаў нарматыўных прававых актаў праводзяцца па рашэнні адпаведнага нарматворчага органа (службовай асобы).