Нацыянальнага рэестра Беларусь – сістэма ўліку прававых актаў.
Вядзенне Нацыянальнага рэестра ажыццяўляецца ў адпаведнасці з Указам Прэзідэнта Рэспублікі Беларусь ад 20 ліпеня 1998 г. № 369 «О Национальном реестре правовых актов Республики Беларусь».
Нацыянальны рэестр вядзецца з мэтай:
- забеспячэння адзінай сістэмы заканадаўства Рэспублікі Беларусь;
- стварэння эталоннага банка даных прававой інфармацыі і камплектавання фонду прававых актаў, падтрымання іх у кантрольным стане ў электроннай форме;
- забеспячэння своечасовага інфармавання дзяржаўных органаў, іншых арганізацый і фізічных асоб аб заканадаўстве;
- ажыццяўлення міждзяржаўнага абмену прававой інфармацыяй.
Уключэнню ў Нацыянальны рэестр падлягаюць:
- Канстытуцыя Рэспублікі Беларусь;
- рашэнні, прынятыя рэспубліканскім рэферэндумам;
- рашэнні Усебеларускага народнага сходу (калі іншае не вызначана Усебеларускім народным сходам);
- указы, распараджэнні Прэзідэнта Рэспублікі Беларусь;
- законы;
- міжнародныя дагаворы Рэспублікі Беларусь;
- пастановы Палаты прадстаўнікоў Нацыянальнага сходу Рэспублікі Беларусь;
- пастановы Савета Рэспублікі Нацыянальнага сходу Рэспублікі Беларусь;
- пастановы Савета Міністраў Рэспублікі Беларусь;
- распараджэнні Прэм’ер-міністра Рэспублікі Беларусь;
- заключэнні і рашэнні Канстытуцыйнага Суда Рэспублікі Беларусь, пасланні Канстытуцыйнага Суда Рэспублікі Беларусь Прэзідэнту Рэспублікі Беларусь і палатам Нацыянальнага сходу Рэспублікі Беларусь аб стане канстытуцыйнай законнасці ў Рэспубліцы Беларусь, Рэгламент Канстытуцыйнага Суда Рэспублікі Беларусь;
- пастановы Пленума Вярхоўнага Суда Рэспублікі Беларусь па пытаннях прымянення заканадаўства, узніклых пры разглядзе судовых спраў, Рэгламент Пленума Вярхоўнага Суда Рэспублікі Беларусь;
- прававыя акты Адміністрацыі Прэзідэнта Рэспублікі Беларусь, калі іншае не прадугледжана Кіраўніком Адміністрацыі Прэзідэнта Рэспублікі Беларусь;
- нарматыўныя прававыя акты Камітэта дзяржаўнага кантролю, Следчага камітэта, Дзяржаўнага камітэта судовых экспертыз, Кіраўніцтва справамі Прэзідэнта Рэспублікі Беларусь, іншых дзяржаўных органаў, непасрэдна падначаленых (падсправаздачных) Прэзідэнту Рэспублікі Беларусь;
- нарматыўныя прававыя акты Нацыянальнага банка, Нацыянальнай акадэміі навук Беларусі, міністэрстваў, іншых рэспубліканскіх органаў дзяржаўнага кіравання;
- нарматыўныя прававыя акты абласных, Мінскага гарадскога Саветаў дэпутатаў, аблвыканкамаў, Мінскага гарвыканкама, мясцовых Саветаў дэпутатаў, выканаўчых і распарадчых органаў базавага тэрытарыяльнага ўзроўню;
- рашэнні, прынятыя абласным, Мінскім гарадскім, раённым, гарадскім (гарадоў абласнога падпарадкавання) рэферэндумамі;
- тэхнічныя нарматыўныя прававыя акты*, якія з’яўляюцца адпаведна заканадаўчым актам і пастановам Савета Міністраў Рэспублікі Беларусь абавязковымі для выканання юрыдычнымі асобамі і індывідуальнымі прадпрымальнікамі;
- іншыя прававыя акты нарматыўнага характару.
* - За выключэннем тэхнічных нарматыўных прававых актаў, якія зацвярджаюцца юрыдычнымі асобамі і індывідуальнымі прадпрымальнікамі.
Падзяліцца ў сац. сетках