Аб актуальных пытаннях прымянення абноўленага інвестыцыйнага заканадаўства расказалі на вэбінары НЦЗПІ

26 красавіка на YouTube-канале НЦЗПІ адбылася адкрытая трансляцыя вэбінара «Навацыі інвестыцыйнага заканадаўства Беларусі. Актуальныя пытанні прымянення».



У студыі НЦЗПІ выступілі намеснік начальніка галоўнага ўпраўлення інвестыцыйнай палітыкі - начальнік упраўлення дзяржаўнай палітыкі па прыцягненню інвестыцый Міністэрства эканомікі Рэспублікі Беларусь Аляксандр Адзінец і спецыяліст па інвестыцыях аддзела па суправаджэнні інвестараў Нацыянальнага агенцтва інвестыцый і прыватызацыі Лізавета Астроўская.

У прамым эфіры спікеры расказалі пра такія механізмы, як прэферэнцыйны інвестыцыйны праект, бюджэтны трансферт, асвятлілі дэталі абноўленых палажэнняў заканадаўства адносна заключэння і зместу інвестыцыйных дагавораў.

Даведачна:

Законам Рэспублікі Беларусь ад 8 студзеня 2024 г. № 350-З у новай рэдакцыі выкладзены Закон Рэспублікі Беларусь ад 12 ліпеня 2013 г. № 53-З «Об инвестициях». У развіццё гэтага прававога акта быў прыняты шэраг дакументаў, якія датычацца пытанняў ажыццяўлення інвестыцыйнай дзейнасці, у тым ліку:

• правядзення конкурсаў па выбары інвестара (інвестараў) для заключэння інвестыцыйнага дагавора, юрыдычнай асобы або індывідуальнага прадпрымальніка для рэалізацыі прэферэнцыйнага інвестыцыйнага праекта;
• фарміравання пераліку інвестыцыйных праектаў, якія прэтэндуюць на аказанне дзяржаўнай фінансавай падтрымкі;
• прадастаўлення льгот і прэферэнцый інвестарам.

Калі вы не паспелі паглядзець прамы эфір, глядзіце яго ў запісе на каналах НЦЗПІ ў YouTube і Rutube!

Падпісвайцеся на нас у YouTube і Rutube і атрымлівайце карысную і актуальную інфармацыю аб праве!