Аб сістэме дадатковага пенсійнага страхавання ў Беларусі і яе магчымасцях для грамадзян расказалі на вебінары НЦЗПІ

25 верасня на YouTube-канале НЦЗПІ адбылася адкрытая трансляцыя вебінару «Пытанні дадатковага пенсійнага страхавання. Тлумачаць эксперты».

У студыі НЦЗПІ выступілі першы намеснік кіраўніка Фонду сацыяльнай абароны насельніцтва Вікторыя Трухан і намеснік генеральнага дырэктара Дзяржаўнага прадпрыемства «Стравіта» Алена Тулейка.

Эксперты расказалі аб тым, як рэалізуецца праграма добраахвотнага страхавання дадатковай накапляльнай пенсіі ў нашай краіне і што неабходна ведаць грамадзянам, каб прыняць у ёй удзел.

Даведачна

З 1 кастрычніка 2022 г. у адпаведнасці з Указам Прэзідэнта Рэспублікі Беларусь ад 27 верасня 2021 г. № 367 у нашай дзяржаве ўведзена добраахвотнае страхаванне дадатковай накапляльнай пенсіі. Права ўдзельнічаць у ім маюць працоўныя грамадзяне, за якіх работадаўцам выплочваюцца абавязковыя страхавыя ўзносы на пенсійнае страхаванне, пры ўмове, што на дату пачатку тэрміну дадатковага накапляльнага пенсійнага страхавання да дасягнення імі агульнаўстаноўленага пенсійнага ўзросту застаецца не менш як 3 гады.

Калі Вы не паспелі паглядзець прамы эфір, глядзіце яго ў запісе тут.

Падпісвайцеся на YouTube-канал НЦЗПІ і атрымлівайце карысную і актуальную інфармацыю аб праве!