Абмеркавалі пытанні прававога забеспячэння нацыянальнай эканамічнай бяспекі на міжнародным круглым стале

5 чэрвеня работнікі Цэнтра прынялі ўдзел у міжнародным навукова-практычным круглым стале «Прававое забеспячэнне нацыянальнай эканамічнай бяспекі: тэарэтычныя і практычныя праблемы ўдасканалення праватворчасці і праварэалізацыі», які прайшоў у Інстытуце эканомікі Нацыянальнай акадэміі навук Беларусі.

Круглы стол сабраў аўтарытэтных беларускіх і расійскіх вучоных у сферы права, эканомікі і гісторыі. 

Актыўную дыскусію сярод удзельнікаў круглага стала выклікаў даклад намесніка кіраўніка Інстытута – начальніка аддзела даследаванняў у галіне грамадзянскага, экалагічнага і сацыяльнага права Інстытута прававых даследаванняў Цэнтра Вольгі Бакіноўскай на тэму «Прававыя аспекты пабудовы эканомікі дадзеных у кантэксце рашэння задач забеспячэння нацыянальнай эканамічнай бяспекі». У ходзе выступлення акцэнтавана ўвага на значным патэнцыяле эканомікі даных у Рэспубліцы Беларусь, неабходнасці забеспячэння бяспекі інфармацыйных працэсаў прававымі сродкамі, актуальных праблемах прававога суправаджэння камерцыялізацыі даных. Удзельнікам мерапрыемства таксама выступіў навуковы супрацоўнік аддзела даследаванняў у галіне нацыянальнай бяспекі, праваахоўнай дзейнасці і міжнароднага права Інстытута прававых даследаванняў Цэнтра Мікалай Калясень.

У лік пытанняў,якія найбольш абмяркоўваліся, ўвайшлі пытанні метадалогіі мыслення і вызначэння прыярытэтаў сацыяльна-прававых сістэм, праблемы сацыяльна-эканамічнай бяспекі інклюзіўнай занятасці, існуючыя выклікі прававога забеспячэння бяспекі пры ажыццяўленні прадпрымальніцкай дзейнасці, праблемы судовай абароны правоў спажыўцоў тавараў (работ, паслуг) у механізме прававога забеспячэння эканамічнай бяспекі, актуальныя пытанні канстытуцыйнага-прававога забеспячэння дзяржаўнай палітыкі метадаў і механізмаў зніжэння крымінагенных рызык у эканоміцы і шэраг іншых.

Даведачна

Круглы стол арганізаваны цэнтрам дзяржаўнага будаўніцтва і права Інстытута эканомікі Нацыянальнай акадэміі навук Беларусі сумесна з юрыдычным факультэтам Казанскага інавацыйнага ўніверсітэта ім. В.Г.Цімірасава, Заходнім філіялам Расійскай акадэміі народнай гаспадаркі і дзяржаўнай службы пры Прэзідэнце Расійскай Федэрацыі, кафедрай прадпрымальніцкага і энергетычнага права юрыдычнага факультэта Казанскага Федэральнага ўніверсітэта, кафедрай грамадзянска-прававых дысцыплін юрыдычнага факультэта Брэсцкага дзяржаўнага ўніверсітэта ім. А.С.Пушкіна, кафедрай крымінальна-прававых дысцыплін юрыдычнага факультэта Міжнароднага ўніверсітэта «МІПСА».