Актуальныя пытанні работы нашых філіялаў у сферы распаўсюджвання прававой інфармацыі разгледзелі на тэматычным мерапрыемстве

19 лістапада для работнікаў НЦЗПІ і РЦПІ праведзена навучалае мерапрыемства па актуальных пытаннях работы РЦПІ ў сферы распаўсюджвання прававой інфармацыі.

У ходзе навучання разгледжаны пытанні ІПС «ЭТАЛОН» і «ЭТАЛОН-ONLINE», работа суб'ектаў нарматворчай дзейнасці з аўтаматызаванай інфармацыйнай сістэмай па забеспячэнні нарматворчага працэсу (АІС «Нарматворчасць»), у тым ліку пры вядзенні банкаў даных лакальных прававых актаў.

З навацыямі заканадаўства ў сферы дзяржаўных закупак супрацоўнікаў Цэнтра азнаёмілі намеснік кіраўніка Інстытута прававых даследаванняў – начальнік аддзела даследаванняў у галіне грамадзянскага, экалагічнага і сацыяльнага права Вольга Бакіноўская і вядучы навуковы супрацоўнік Інстытута Юлія Амяльчэня. 

З прэзентацыяй «Выканаўчая вытворчасць і іншыя спосабы спагнання запазычанасці» перад аўдыторыяй выступіла адвакат юрыдычнай кансультацыі Першамайскага раёна г. Мінска Надзея Макарава.

Прадстаўнік адвакатуры асвятліла практычныя аспекты спагнання пратэрмінаванай дэбіторскай запазычанасці, якія ўключаюць прафілактыку яе ўзнікнення і спосабы спагнання, парадак ўзбуджэння і вядзення выканаўчай вытворчасці, а таксама выкарыстанне выканаўчага надпісу натарыуса.

Комплекснае навучанне спрыяе асваенню сучасных інструментаў працы і дасць магчымасць павысіць эфектыўнасць работы спецыялістаў НЦЗПІ і РЦПІ ў сферы распаўсюджвання прававой інфармацыі.