Арганізавалі семінар-трэнінг для адвакатаў Гомельшчыны

9 лютага ў рамках работы ЦЭПІ пры юрыдычнай кансультацыі Цэнтральнага раёна г. Гомеля ў РЦПІ Гомельскай вобласці прайшоў семінар-трэнінг па рабоце з дзяржаўнымі інфармацыйна-прававымі рэсурсамі для адвакатаў.

Маладыя адвакаты асвоілі дзяржаўныя інфармацыйна-прававыя рэсурсы яшчэ ва ўніверсітэце, актыўна ўжывалі іх у навучальным працэсе і працягваюць выкарыстоўваць у рабоце. Іх больш вопытныя калегі выкарыстоўваюць прававыя рэсурсы НЦЗПІ на працягу доўгага часу ў прафесійнай практыцы, таму дырэктар РЦПІ Гомельскай вобласці Яўгенія Маісейкіна, расказваючы аб Нацыянальным прававым Партале, звярнула ўвагу ўдзельнікаў семінару на ўнікальны рэсурс –тэматычны банк даных «Прававыя акты БССР».

У названым ТБД змешчаны апублікаваныя прававыя акты заканадаўства савецкага перыяду (1917–1991 гадоў). Гэта ў тым ліку дакументы, якія замацоўваюць прынцыпы пабудовы грамадства, асноўныя правы і абавязкі грамадзян, рэгламентуюць дзейнасць дзяржаўных органаў і арганізацый, органаў судовай сістэмы, а таксама рэгулююць працоўныя і іншыя праваадносіны, прынятыя органамі выканаўчай і заканадаўчай улады ва ўказаны перыяд.

Спецыяліст РЦПІ Гомельскай вобласці Рустам Бекбузараў падрабязна расказаў удзельнікам семінару аб функцыянальных магчымасцях ІПС «ЭТАЛОН-ONLINE». У сваю чаргу слухачы адзначылі новыя магчымасці ў частцы параўнання рэдакцый тэкстаў дакументаў у сістэме. Так, пры параўнанні візуальна вылучаюцца адрозненні, падлічваецца колькасць змяненняў і рэалізаваны пераходы да іх з дапамогай адпаведных кнопак. Асабліва зручны прагляд рэдакцый дакумента сінхронна на адным узроўні.

Уразіла адвакатаў абароненая версія WEB-рэсурсу ІПС «ЭТАЛОН-ONLINE», якая распрацавана НЦЗПІ для мінімізацыі пагроз інфармацыйнай бяспецы і забяспечвае цэласнасць, даступнасць і канфідэнцыйнасць інфармацыі, што апрацоўваецца для ўключэння ў банкі даных лакальных прававых актаў, абароненасць інфармацыйных рэсурсаў і сродкаў аўтаматызацыі ад несанкцыянаванага доступу.

Кожны слухач прайшоў трэнінг па рабоце ў прававой сістэме, які дазволіў замацаваць атрыманыя веды. Удзельнікі семінару атрымалі сертыфікаты, што пацвярджаюць валоданне ДІПР.

Даведка:

З 2014 года на базе юрыдычных кансультацый функцыянуюць цэнтры эталоннай прававой інфармацыі (ЦЭПІ) – сумесны праект Нацыянальнага цэнтра заканадаўства і прававой інфармацыі і Беларускай рэспубліканскай калегіі адвакатаў.