Даклад аб рэалізацыі палажэнняў Канцэпцыі прававой палітыкі Рэспублікі Беларусь у крымінальна-прававой сферы прадстаўлены на канферэнцыі ў Санкт-Пецярбургу

Цэнтр прыняў удзел у навукова-практычнай канферэнцыі «Крымінальная палітыка і правапрымяняльная практыка», якая адбылася ў г. Санкт-Пецярбургу Расійскай Федэрацыі 1 лістапада 2024 года.

Навукова-практычная канферэнцыя «Крымінальная палітыка і правапрымяняльная практыка» арганізавана Паўночна-заходнім філіялам ФДБАУВА «Расійскі дзяржаўны універсітэт правасуддзя». Удзельнікі мерапрыемства – вучоныя-прававеды ў галіне крымінальнага права і крыміналогіі Расійскай Федэрацыі і блізкага замежжа.

Нашу арганізацыю прадставіла Людміла Паўлава, вучоны сакратар, кандыдат юрыдычных навук, дацэнт. Людміла Уладзіміраўна выступіла на плянарным пасяджэнні з дакладам «Гуманізацыя крымінальнага закона: праблемы і перспектывы», у рамках якога былі разгледжаны пытанні рэалізацыі палажэнняў Канцэпцыі прававой палітыкі Рэспублікі Беларусь у крымінальна-прававой сферы.

Удзельнікі мерапрыемства абмеркавалі актуальныя пытанні сучаснай крымінальна-прававой палітыкі, ролю навукі і судовай практыкі ў развіцці гэтай палітыкі, уплыў нацыянальных прыярытэтаў і сучасных выклікаў на ўдасканаленне ахавальнага заканадаўства. Удзялілі ўвагу пытанням назначэння і выканання пакаранняў, прапанавалі напрамкі гуманізацыі крымінальнага заканадаўства, адзначылі стратэгічную важнасць своечасовага правядзення крыміналагічных і параўнальна-прававых даследаванняў.