Дырэктар НЦЗПІ прадставіў на разгляд Савета Рэспублікі законапраект «Аб змене кодэксаў па пытаннях крымінальнай адказнасці»

30 студзеня Савет Рэспублікі Нацыянальнага сходу Рэспублікі Беларусь разгледзеў праект Закона «Аб змене кодэксаў па пытаннях крымінальнай адказнасці». Даклад па законапраекце прадставіў дырэктар НЦЗПІ Андрэй Матэльскі.

Законапраект карэкціруе палажэнні Крымінальнага, Крымінальна-працэсуальнага і Крымінальна-выканаўчага кодэксаў Рэспублікі Беларусь, Кодэкса Рэспублікі Беларусь аб адміністрацыйных правапарушэннях і Працэсуальна-выканаўчага кодэкса Рэспублікі Беларусь аб адміністрацыйных правапарушэннях.

Прапанаваныя навацыі накіраваны на:

• узмацненне гуманістычнай накіраванасці крымінальнага закона, забеспячэнне збалансаванасці яго норм, у тым ліку праз сістэмны перагляд санкцый артыкулаў Асаблівай часткі, у мэтах індывідуалізацыі пакарання і справядлівасці адказнасці;
• павышэнне ўзроўню крымінальна-прававой абароны нацыянальнай бяспекі ў асабліва адчувальных сферах;
• развіццё прафілактычнага складніка крымінальнага закона, стварэнне дадатковых стымулаў да правапаслухмянага ладу жыцця і працоўнай актыўнасці асуджаных асоб пасля адбыцця пакарання або вызвалення па амністыі;
• павышэнне якасці расследавання крымінальных спраў, у тым ліку за кошт узмацнення ролі пракурорскага нагляду.

Па выніках разгляду і абмеркавання прадстаўленага праекта Закона «Аб змене кодэксаў па пытаннях крымінальнай адказнасці» Саветам Рэспублікі прынята рашэнне аб яго адабрэнні.

Даведачна:

Праект Закона падрыхтаваны ў мэтах выканання даручэння Кіраўніка дзяржавы па выніках нарады 11 студзеня 2024 года. Галоўная задача падрыхтоўкі гэтага законапраекта была вызначана Прэзідэнтам: зрабіць Крымінальны кодэкс больш справядлівым, які дае магчымасць забяспечыць індывідуальны падыход пры назначэнні пакарання.