Круглы стол па пытаннях штучнага інтэлекту ў нарматворчым працэсе адбыўся на пляцоўцы Восеньскай навуковай сесіі

10 кастрычніка ў рамках VI Восеньскай навуковай сесіі адбыўся круглы стол «Штучны інтэлект у нарматворчым працэсе», арганізаваны НЦЗПІ сумесна з дзяржаўнай навуковай установай «Аб’яднаны інстытут праблем інфарматыкі Нацыянальнай акадэміі навук Беларусі».

Мерапрыемства стала надзвычай запатрабаванай пляцоўкай для абмеркавання адной з найбольш дыскусійных тэм сучаснай юрыспрудэнцыі, а таксама эфектыўным спосабам апрабацыі вынікаў навуковых даследаванняў тэарэтычных і прыкладных аспектаў прымянення штучнага інтэлекту ў нарматворчым працэсе, якія праводзяцца Інстытутам прававых даследаванняў у рамках Плана навуковых даследаванняў і распрацовак НЦЗПІ агульнадзяржаўнага, галіновага прызначэння, накіраваных на навукова-тэхнічнае забеспячэнне дзейнасці Адміністрацыі Прэзідэнта Рэспубліка Беларусь, на 2024 год.

Мадэратарамі круглага стала выступілі дырэктар Беларускага інстытута стратэгічных даследаванняў, доктар юрыдычных навук, дацэнт Алег Макараў і начальнік аддзела даследаванняў у галіне дзяржаўнага ладу і інфармацыйнага права Інстытута прававых даследаванняў НЦЗПІ, кандыдат юрыдычных навук, дацэнт Аксана Станкевіч.

Адкрыла праграму круглага стала вядучы навуковы супрацоўнік аддзела даследаванняў у галіне дзяржаўнага ладу і інфармацыйнага права Інстытута прававых даследаванняў НЦЗПІ, прафесар кафедры дзяржаўнага кіравання юрыдычнага факультэта Беларускага дзяржаўнага ўніверсітэта, доктар юрыдычных навук, дацэнт Вольга Талочка з дакладам на тэму «Праблемы ўдасканалення заканадаўства ў сувязі з увядзеннем элементаў штучнага інтэлекту ў нарматворчы працэс».

Уладзімір Галянкоў, прафесар кафедры інтэлектуальных інфармацыйных тэхналогій Беларускага дзяржаўнага ўніверсітэта інфарматыкі і радыёэлектронікі, доктар тэхнічных навук, прафесар, раскрыў асноўныя прынцыпы прымянення штучнага інтэлекту ў нарматворчым працэсе.

Тэму «Алгарытмічныя тэхналогіі ў нарматворчасці: рэальнасць і эўрыстыка» асвятліла вядучы навуковы супрацоўнік аддзела даследаванняў у галіне дзяржаўнага ладу і інфармацыйнага права Інстытута прававых даследаванняў НЦЗПІ, кандыдат юрыдычных навук, дацэнт Алена Перапяліца.

Пытанні лічбавага забеспячэння нарматворчай дзейнасці і перспектывы яго развіцця асвятліў Аляксандр Мядзведзь, намеснік начальніка ўпраўлення эталоннага банка даных прававой інфармацыі – начальнік аддзела лічбавізацыі нарматворчай дзейнасці НЦЗПІ.

Аб інтэлектуальнай інфарматызацыі ў сферы электронных корпусаў тэкстаў і маўлення гуманітарнай і прававой тэматыкі расказалі супрацоўнікі Аб’яднанага інстытута праблем інфарматыкі НАН Беларусі: Юрый Гецэвіч, загадчык лабараторыі распазнання і сінтэзу маўлення, кандыдат тэхнічных навук, дацэнт; Мікіта Супрунчук, старшы навуковы супрацоўнік лабараторыі распазнання і сінтэзу маўлення, кандыдат філалагічных навук, дацэнт, і Валерый Варановіч, навуковы супрацоўнік лабараторыі распазнання і сінтэзу маўлення, кандыдат фізіка-матэматычных навук, дацэнт.

Мікіта Тацішчаў, саветнік аддзела Азіі, Афрыкі і Лацінскай Амерыкі Беларускага інстытута стратэгічных даследаванняў, асвятліў праблемы выкарыстання аўтарскага кантэнту штучным інтэлектам.

З дакладам на тэму «Працэс і праблемы ўвядзення тэхналогій штучнага інтэлекту ў нарматворчую дзейнасць» выступіў начальнік упраўлення праграмнага забеспячэння НЦЗПІ Дзмітрый Марозаў.

Мікіта Назараў, малодшы навуковы супрацоўнік лабараторыі прававога рэгулявання інфармацыйных тэхналогій і абароны інфармацыі Інстытута заканадаўства і параўнальнага правазнаўства пры Урадзе Расійскай Федэрацыі, раскрыў пытанні забеспячэння празрыстасці і вытлумачальнасці сістэм штучнага інтэлекту ў нарматворчым працэсе.

З навуковымі паведамленнямі выступілі прадстаўнікі іншых айчынных і замежных арганізацый.

Вынікамі круглага стала з’явіліся новыя ідэі і прапановы аб бяспечнай інтэграцыі тэхналогій штучнага інтэлекту ў нарматворчасць, удасканаленні заканадаўства ў адпаведнай сферы. Тэзісы дакладаў удзельнікаў круглага стала будуць апублікаваны ў тэматычным раздзеле зборніка матэрыялаў Рэспубліканскай навукова-практычнай канферэнцыі «Правовая политика, наука, практика – 2024».