Лепшых работнікаў Цэнтра ўшаноўвалі напярэдадні прафесійнага свята

29 лістапада ў Цэнтры адбыўся ўрачысты сход калектыву, прымеркаваны да Дня юрыста, які адзначаецца ў нашай краіне ў першую нядзелю снежня.

Адкрываючы мерапрыемства, дырэктар НЦЗПІ Андрэй Матэльскі павіншаваў калег з надыходзячым святам, адзначыў значнасць і важнасць работы, што праводзіцца Цэнтрам, абазначыў ключавыя прыярытэты:

«Мы сапраўды знаходзімся ў авангардзе шматлікіх грамадска-палітычных працэсаў, распрацоўкі найважнейшых актаў заканадаўства. І ў нас ёсць з вамі ўсё, што неабходна для якаснай працы», – сказаў Андрэй Францавіч.

Дырэктар Цэнтра пажадаў калектыву прафесійнага натхнення, рэалізацыі шматлікіх планаў і задач, міру, дабра, дабрабыту і шчасця.

Прыемным вынікам мерапрыемства стала ўручэнне ўзнагарод ад Міністэрства юстыцыі, ГА «Беларускі рэспубліканскі саюз юрыстаў». Таксама шэраг работнікаў былі адзначаны ганаровымі граматамі і падзякамі дырэктара НЗЦПІ – за плённую працу і актыўны ўдзел у вырашэнні актуальных задач, якія стаяць перад Цэнтрам, дасягненне высокіх вынікаў у працоўнай дзейнасці.

У гэты ж дзень адбылася ўрачыстая цырымонія ўручэння вышэйшай юрыдычнай прэміі «Феміда», лаўрэатам якой у намінацыі «Распаўсюджванне прававой інфармацыі» стаў Вячаслаў Бякета, начальнік галоўнага ўпраўлення арганізацыі і кантролю НЦЗПІ. Падзякай Кіраўніка Адміністрацыі Прэзідэнта быў адзначаны Сяргей Куксаў - за прафесійнае майстэрства, добрасумленнае выкананне службовых абавязкаў і актыўны ўдзел у дзейнасці ГА «Беларускі саюз юрыстаў».

З Днём юрыста!