Навацыі па пытаннях нарматворчай дзейнасці. Праект закона, распрацаваны НЦЗПI, прыняты ў другім чытанні

Распрацоўка законапраекта ажыццяўлялася Нацыянальным цэнтрам заканадаўства і прававой інфармацыі ва ўзаемадзеянні з Урадам у рамках выканання даручэння Кіраўніка дзяржавы, дадзенага па выніках праведзенай у 2024 годзе рэвізіі заканадаўства.

Ключавыя навацыі законапраекта накіраваны на забеспячэнне кампактнасці і якасці заканадаўства, паляпшэнне нарматворчай работы, вырашэнне актуальных праблем, звязаных з забеспячэннем эфектыўнасці і стабільнасці функцыянавання нацыянальнай прававой сістэмы.

У прыватнасці, дакументам прадугледжваецца:

• правядзенне на сістэмнай аснове абавязковай інвентарызацыі заканадаўства;
• аптымізацыя механізмаў падрыхтоўкі праектаў актаў, а менавіта пашырэнне пакетнага прынцыпу, скарачэнне круга дзяржаўных органаў пры ўзгадненні праектаў ведамасных актаў, абмежаванне адсылачных нормаў, спрашчэнне патрабаванняў нарматворчай тэхнікі;
• замацаванне за Палатай прадстаўнікоў Нацыянальнага сходу функцыі па кантролі за рэалізацыяй заключных палажэнняў законаў;
• удасканаленне ацэнкі рэгулюючага ўздзеяння праекта нарматыўнага прававога акта на ўмовы ажыццяўлення прадпрымальніцкай дзейнасці;
• спрашчэнне прыняцця і ўліку нарматыўных прававых актаў рэспубліканскіх і мясцовых органаў улады, якія змяшчаюць выключна лічбавыя паказчыкі;
• актывізацыя выкарыстання інстытута афіцыйнага тлумачэння нарматыўных прававых актаў, у тым ліку з улікам перагляду падыходаў да парадку прыняцця такіх актаў на ведамасным узроўні.

У законапраекце таксама прадугледжаны шэраг змяненняў, накіраваных на ўдакладненне нормаў Закона «О нормативных правовых актах» з улікам правапрымяняльнай практыкі.

Даведка

Праект закона быў унесены Прэзідэнтам Рэспублікі Беларусь у Палату прадстаўнікоў 17 кастрычніка 2025 г. і прыняты ў першым чытанні 5 лістапада 2025 г.