Навацыі заканадаўства па пытаннях пенсійнага забеспячэння растлумачылі на вэбінары НЦЗПІ

22 студзеня на YouTube-канале НЦЗПІ адбылася адкрытая трансляцыя вэбінара «Пенсійнае забеспячэнне грамадзян з улікам змяненняў заканадаўства».

У студыі НЦЗПІ выступіла кансультант упраўлення арганізацыі пенсійнага забеспячэння галоўнага ўпраўлення пенсійнага забеспячэння Міністэрства працы і сацыяльнай абароны Ірына Свянціцкая.

Спікер патлумачыла:

• як уладкованая пенсійная сістэма ў Беларусі і якія віды пенсій устаноўлены;
• умовы прадастаўлення права на працоўную пенсію па ўзросце;
• парадак пацвярджэння стажу і заробку для прызначэння пенсіі;
• парадак вылічэння памеру працоўнай пенсіі;
• куды звяртацца за прызначэннем пенсіі.

Таксама была нададзена ўвага апошнім зменам заканадаўства ў частцы пенсійнага забеспячэння.

Акрамя таго, прадстаўнік Мінпрацы і сацабароны дала адказы на пытанні, якія паступілі.

Калі вы не паспелі паглядзець прамы эфір, глядзіце яго ў запісе на каналах НЦЗПІ ў YouTube і Rutube!

Падпісвайцеся на нас у YouTube і Rutube і атрымлівайце карысную і актуальную інфармацыю аб праве!