Новыя магчымасці ўзаемадзеяння закранулі на сустрэчы з прадстаўнікамі крымінальна-выканаўчай сістэмы Віцебшчыны

11 снежня на пляцоўцы РЦПІ Віцебскай вобласці прайшоў круглы стол, прысвечаны пытанням забеспячэння прававой інфармацыяй супрацоўнікаў, адказных за функцыянаванне цэнтраў эталоннай прававой інфармацыі ў крымінальна-выканаўчай сістэме Віцебскага рэгіёна.

Арганізатарамі круглага стала выступілі філіял НЦЗПІ і ўпраўленне Дэпартамента выканання пакаранняў па Віцебскай вобласці.

Адкрываючы мерапрыемства, дырэктар РЦПІ Ларыса Дарогава расказала аб гісторыі стварэння цэнтраў эталоннай прававой інфармацыі ва ўстановах крымінальна-выканаўчай сістэмы, прадастаўленні доступу ў Рэспубліцы Беларусь да поўнай, актуальнай і дакладнай прававой інфармацыі, якая распаўсюджваецца НЦЗПІ, і рэалізацыі гэтай задачы ў рамках функцыянавання джяржаўнай сістэмы прававой інфармацыі.

Намеснік начальніка ўпраўлення Дэпартамента выканання пакаранняў па Віцебскай вобласці Міхаіл Кацюруба закрануў пытанні прадастаўлення прававой інфармацыі асуджаным і грамадзянам, якія знаходзяцца ў папраўчых установах, а таксама прававога забеспячэння службовай дзейнасці работнікаў крымінальна-выканаўчай сістэмы ў Віцебскай вобласці. Прысутныя супрацоўнікі папраўчых устаноў, следчых ізалятараў крымінальна-выканаўчай сістэмы, лячэбна-працоўных прафілакторыяў, адказных за функцыянаванне цэнтраў эталоннай прававой інфармацыі ў крымінальна-выканаўчай сістэме, падзяліліся сваім досведам працы і адзначылі важнасць выкарыстання дзяржаўных інфармацыйна-прававых рэсурсаў не толькі ў прававой асвеце грамадзян, якія знаходзяцца ў папраўчых установах, але і ў службовай дзейнасці.

У рамках круглага стала спецыялістам РЦПІ Юліяй Дзірко было праведзена навучанне па рабоце з ІПС «ЭТАЛОН» і «ЭТАЛОН-ONLINE».

Круглы стол прайшоў у атмасферы прадуктыўнага прафесійнага дыялогу. Бакі адзначылі неабходнасць далейшага супрацоўніцтва ў мэтах павышэння прававой граматнасці і прававой асветы.