НЦЗПІ прыняў удзел у міжнароднай канферэнцыі «МЕДЫЯПРАВА–2024»

12−13 снежня ў Маскве прайшла XXXIII Міжнародная навукова-практычная канферэнцыя «МЕДЫЯПРАВА–2024», арганізаваная пры ўдзеле Нацыянальнага даследчага ўніверсітэта «Вышэйшая школа эканомікі».

Удзельнікі мерапрыемства – вядомыя расійскія і замежныя правазнаўцы, тэарэтыкі і практыкі масавых камунікацый, дзяржаўныя і грамадскія дзеячы, юрысты-практыкі, аспіранты, выкладчыкі ВНУ. Цэнтр прадставіла Алена Перапяліца, вядучы навуковы супрацоўнік аддзела даследаванняў у галіне дзяржаўнага будаўніцтва і інфармацыйнага права Інстытута прававых даследаванняў, кандыдат юрыдычных навук, дацэнт.

Даклад Алены Васільеўны быў прысвечаны пытанням юрыдычнай рэпрэзентацыі машынных тэхналогій у нарматворчасці. Было асветлена значэнне скразной лічбавай тэхналогіі штучнага інтэлекту для нарматворчага працэсу, разгледжаны магчымасці і абмежаванні гэтай тэхналогіі ў суправаджэнні планавання нарматворчай дзейнасці, арганізацыі падрыхтоўкі і ўзгаднення праекта нарматыўнага прававога акта, правядзення абавязковай юрыдычнай экспертызы праектаў прававых актаў. Адзначаны праблемы, звязаныя з неадназначным уплывам сучасных тэхналогій на прафесійную якасць нарматворчых рашэнняў. Дакладчык адказала на пытанні адносна фарміравання прававой асновы выкарыстання машынных тэхналогій у гэтым відзе юрыдычнай дзейнасці.

Праца форума ўключала пяць плянарных сесій, прысвечаных актуальным праблемам медыяправа, штучнаму інтэлекту, правачалавечаму і сеткаваму вымярэнню медыяправа. Удзельнікі канферэнцыі абмяняліся думкамі і пунктамі гледжання на перспектывы развіцця медыяправа ва ўмовах трансфармацыі грамадскіх адносін, які адбываецца ў выніку інтэнсіўнага развіцця інфармацыйнай, камунікацыйнай і нейра-генератыўнай экасістэмы свету. Дакладчыкі абмеркавалі найскладаныя прававыя праблемы, якія ўзнікаюць у выніку развіцця «разумных» тэхналогій. Спецыялісты, якія прадстаўляюць розныя часткі свету, рэпрэзентавалі ўласнае бачанне інфармацыйна-камунікацыйнай павесткі сучаснага грамадства.

Усяго на канферэнцыю зарэгістравалася больш за 200 чалавек і прадстаўлена 70 дакладаў. Сярод краін-удзельніц канферэнцыі Арменія, Афганістан, Гвінея, Дэмакратычная рэспубліка Конга, Індыя, Ірландыя, Італія, Казахстан, Канада, КНР, Пакістан, Рэспубліка Беларусь, ЗША, Узбекістан.