НЦЗПІ прыняў удзел у міжнароднай навуковай сесіі ў Ерэване

28-29 лістапада намеснік кіраўніка Інстытута – начальнік аддзела ў галіне грамадзянскага, экалагічнага і сацыяльнага права Інстытута прававых даследаванняў Цэнтра Вольга Бакіноўская прыняла ўдзел у міжнароднай навуковай сесіі «Асноўныя тэндэнцыі развіцця прыватнага права: кантынентальны падыход».

Арганізатары мерапрыемства – Расійска-Армянскі ўніверсітэт сумесна з Даследчым цэнтрам прыватнага права імя С.С.Аляксеева пры Прэзідэнце Расійскай Федэрацыі пры ўдзеле кафедры грамадзянскага права Ерэванскага дзяржаўнага ўніверсітэта.

Вольга Бакіноўская выступіла перад удзельнікамі навуковай сесіі з дакладам на тэму «Тэндэнцыі развіцця прыватнага права ў святле рэалізацыі Канцэпцыі прававой палітыкі Рэспублікі Беларусь».

У рабоце сесіі прынялі ўдзел прадстаўнікі вядучых адукацыйных і навуковых арганізацый Арменіі, Расіі, Казахстана, універсітэтаў Турына і Вены, юрысты-практыкі.