НЦЗПІ ў рамках ажыццяўлення міжнароднага супрацоўніцтва развівае ўзаемадзеянне з Сакратарыятам Савета МПА СНД

18 сакавіка прайшла рабочая анлайн-нарада прадстаўнікоў НЦЗПІ і Сакратарыята Савета МПА СНД з мэтай практычнай рэалізацыі заключанага паміж Бакамі Пагаднення аб супрацоўніцтве ў навуковай і экспертна-прававой сферах дзейнасці.

Прадстаўнікі Сакратарыята Савета МПА СНД на чале з намеснікам кіраўніка Сакратарыята Савета МПА СНД Аляксеем Должыкавым прапанавалі шэраг практычных накірункаў узаемадзеяння. У рамках парадку дня сваё меркаванне выказалі ў тым ліку начальнік экспертна-аналітычнага ўпраўлення Дзяніс Жук, начальнік аддзела прававой экспертызы Сяргей Марчанка, начальнік аддзела забеспячэння мадэльнай заканатворчасці экспертна-аналітычнага ўпраўлення, сакратар Пастаяннай камісіі МПА СНД па навуцы і адукацыі Таццяна Баранава.

Былі абмеркаваны накірункі работы ў межах Перспектыўнага плана мадэльнай заканатворчасці ў СНД, магчымасць арганізацыі сумесных навукова-практычных мерапрыемстваў, а таксама публікацый у навукова-практычных выданнях Бакоў і іншае.

У мерапрыемстве ад Цэнтра прынялі ўдзел начальнік аддзела міжнароднага права галоўнага ўпраўлення канстытуцыйнага і міжнароднага права Цэнтра Вольга Кашырына і галоўны саветнік гэтага аддзела Вольга Багдановіч, начальнік аддзела даследаванняў у галіне нацыянальнай бяспекі, праваахоўнай дзейнасці і міжнароднага права Інстытута прававых даследаванняў Ірына Лапцэвіч, а таксама галоўны саветнік аддзела заканадаўства аб праваахоўнай і судовай дзейнасці галоўнага ўпраўлення заканадаўства аб нацыянальнай бяспецы, праваахоўнай і судовай дзейнасці Людміла Паўлава.

Удзельнікамі сустрэчы была дасягнута дамоўленасць аб працягу практычнага ўзаемадзеяння па накірунках, што з’яўляюцца ўзаемна цікавымі.