НЦЗПІ развівае міжнароднае супрацоўніцтва ў навуковай і экспертна-прававой сферах дзейнасці

9 кастрычніка Цэнтр наведаў з рабочым візітам кіраўнік Сакратарыята Савета Міжпарламенцкай Асамблеі дзяржаў – удзельніц Садружнасці Незалежных Дзяржаў (МПА СНД) Дзмітрый Кабіцкі.

На сустрэчы прадстаўнікоў НЦЗПІ з Генеральным сакратаром – кіраўніком Сакратарыята Савета МПА СНД бакі абмеркавалі перспектывы рэалізацыі сумеснай навуковай і экспертна-аналітычнай дзейнасці па накірунках, што ўяўляюць агульны інтарэс, у прыватнасці, правядзенне сумесных навуковых даследаванняў па актуальных пытаннях мадэльнай законатворчасці СНД, сумесных навукова-практычных канферэнцый, сімпозіумаў, семінараў і іншых мерапрыемстваў; ажыццяўленне інфармацыйнага ўзаемадзеяння, абмен аналітычнымі, статыстычнымі і іншымі матэрыяламі.

У мерапрыемстве ад Цэнтра прынялі ўдзел дырэктар Андрэй Матэльскі, першы намеснік дырэктара Галіна Падразёнак, начальнік упраўлення фарміравання банкаў даных прававой інфармацыі Таццяна Рэуцкая, начальнік упраўлення распаўсюджання прававой інфармацыі Наталля Зайцава, начальнік упраўлення інфармацыйнай палітыкі і інтэрнэт-рэсурсаў Наталія Баркоўская, начальнік аддзела міжнароднага права галоўнага ўпраўлення канстытуцыйнага і міжнароднага права Цэнтра Вольга Кашырына і галоўны саветнік гэтага аддзела Вольга Багдановіч.

Госцю была прадстаўлена інфармацыя аб ключавых накірунках дзейнасці НЦЗПІ, у тым ліку ў сферы сістэматызацыі і ўліку заканадаўства, распаўсюджання прававой інфармацыі ў электроннай і друкаванай формах, аб працы ў медыйнай прасторы.

Падчас сустрэчы было падпісана Пагадненне аб супрацоўніцтве ў навуковай і экспертна-прававой сферах дзейнасці, а таксама ў актуалізаванай рэдакцыі Дагавор аб прадастаўленні Цэнтрам на адрас Сакратарыята Савета МПА СНД інфармацыйна-пошукавай сістэмы «ЭТАЛОН».