Пачала работу восьмая ў Беларусі інавацыйная пляцоўка НЦЗПІ на базе МІПСА

12 снежня ва ўстанове адукацыі Федэрацыі прафсаюзаў Беларусі «Міжнародны ўніверсітэт «МІПСА» адбылося ўрачыстае адкрыццё інавацыйнай пляцоўкі юрыдычнага факультэта і цэнтра эталоннай прававой інфармацыі.

Адпаведныя палажэнні падпісалі рэктар універсітэта Уладзімір Пазнякоў і намеснік дырэктара НЦЗПІ Вячаслаў Абрамаў.

Прадстаўляючы новы напрамак узаемадзеяння НЦЗПІ і МІПСА, Вячаслаў Анатольевіч звярнуўся да прысутных:

«Сёння мы робім яшчэ адзін крок да ўмацавання супрацоўніцтва, адчыняючы інавацыйную пляцоўку з нашым даўнім надзейным партнёрам. НЦЗПІ і МІПСА звязваюць шматгадовыя сяброўскія адносіны, і мы заўсёды падтрымліваем ініцыятывы ўніверсітэта, пастаянна выступаем партнёрамі тэматычных канферэнцый і конкурсаў.

Упэўнены, праца інавацыйнай пляцоўкі і цэнтра эталоннай прававой інфармацыі дапаможа таленавітым і ініцыятыўным дзяўчатам і юнакам атрымаць перспектыўныя і запатрабаваныя веды і практычныя навыкі ў галіне права, асвоіць сучасныя лічбавыя інструменты і рэсурсы, якія фарміруюцца НЦЗПІ».

Інавацыйная пляцоўка створана з мэтай павышэння якасці падрыхтоўкі юрыдычных кадраў за кошт узмацнення практыка-арыентаванага складальніка адукацыйнага працэсу пры дапамозе эфектыўнага выкарыстання вопыту супрацоўнікаў НЦЗПІ і яго матэрыяльна-тэхнічнай базы. НЦЗПІ ў МІПСА абсталяваны індывідуальныя працоўныя месцы з выдзеленым IP-адрасам, на якіх арганізаваны доступ да дзяржаўнага інфармацыйна-прававога рэсурсу – прававой сістэмы «ЭТАЛОН-ONLINE», якая з'яўляецца незаменнай прыладай любога юрыста.

Функцыянаванне пляцоўкі і цэнтра эталоннай прававой інфармацыі на базе юрыдычнага факультэта МІПСА створыць трывалую аснову для падрыхтоўкі высокакваліфікаваных кадраў і павышэння прававой пісьменнасці студэнтаў.

Праект дапаможа зблізіць тэарэтычную навуку і практыку, а інструменты лічбавых рэсурсаў дазволяць вырасціць у сценах факультэта права МІПСА высакакласных юрыстаў - прафесіяналаў сваёй справы.

Даведачна:

Інавацыйная пляцоўка юрыдычнага факультэта Міжнароднага ўніверсітэта «МІПСА» стала восьмай у нашай краіне.

Такія пляцоўкі функцыянуюць у:

• Акадэміі кіравання пры Прэзідэнце Рэспублікі Беларусь;
• Беларускім дзяржаўным універсітэце;
• Беларускім дзяржаўным эканамічным універсітэце;
• Гродзенскім дзяржаўным універсітэце імя Янкі Купалы;
• Віцебскім дзяржаўным універсітэце імя П.М.Машэрава;
• Інстытуце павышэння кваліфікацыі і перападрыхтоўкі Следчага камітэта Рэспублікі Беларусь;
• Полацкім дзяржаўным універсітэце імя Еўфрасінні Полацкай.