0
16 верасня актывісты пярвічнай арганізацыі ГА «БРСМ» Цэнтра прынялі ўдзел у маладзёжным велапрабегу «Пад сцягам адзінства і незалежнасці», прымеркаваным да Дня народнага адзінства.
Старт мерапрыемству быў дадзены ля Нацыянальнай бібліятэкі Рэспублікі Беларусь. Калона веласіпедыстаў накіравалася да стэлы «Мінск-горад-герой». Тут удзельнікі – студэнты i прадстаўнікі працуючай моладзі сталіцы – усклалі кветкі і далучыліся да ўрачыстага мітынгу.
Фінішаваў маладзёжны велапрабег на плошчы Дзяржаўнага флага.
«Гэтае мерапрыемства стала не проста традыцыяй, а важным сімвалам адзінства, патрыятызму і павагі да багатай гісторыі нашай краіны. Падчас такіх спартыўных мерапрыемстваў заўсёды адчуваецца яднанне, а калі яно прымеркавана да такога сімвалічнага свята – удвая. Сённяшні велапрабег яшчэ раз даказвае, моладзь Беларусі з павагай ставіцца да мінулага і з упэўненасцю глядзіць у заўтрашні дзень», – адзначыла сакратар першаснай арганізацыі ГА «БРСМ» НЦЗПІ Ганна Палтаржыцкая.
