Падводзім вынікі адыходзячага года і намячаем перспектывы супрацоўніцтва з БНП у 2025 годзе

23 снежня 2024 года з удзелам НЦЗПІ адбылося выніковае паседжанне Беларускай натарыяльнай палаты.

У ходзе сустрэчы абмяркоўваўся шэраг пытанняў, у тым ліку прыём у члены БНП новых натарыусаў, якія паспяхова здалі кваліфікацыйныя экзамены ў Міністэрстве юстыцыі. Ва ўрачыстай абстаноўцы Вольга Баброўская, Віталь Высоцкі і Яўгенія Шакава далі прысягу натарыуса і ў далейшым будуць ажыццяўляць натарыяльную дзейнасць у Мінскай абласной, Брэсцкай і Гомельскай натарыяльных акругах.

Мерапрыемства адкрыла старшыня БНП  Наталля Барысенка. У сваім выступленні яна пажадала новым натарыусам дабрабыту, здароўя і прафесійных поспехаў, адзначыўшы, што галоўная задача натарыуса - дапамагаць людзям у прававой сферы, забяспечваць абарону іх законных інтарэсаў.

Будучых натарыусаў таксама прывітаў намеснік дырэктара НЦЗПІ  Вячаслаў Абрамаў.  «Хачу пажадаць вам невычэрпнай энергіі, самарэалізацыі і поспехаў ва ўсіх справах і пачынаннях,  – сказаў Вячаслаў Анатольевіч. – Разам з тым, натарыяльную дзейнасць сёння немагчыма ўявіць без якаснай рэсурснай базы –  Нацыянальнага прававога Інтэрнэт-партала Рэспублікі Беларусь, інфармацыйна-пошукавых сістэм «ЭТАЛОН» і  «ЭТАЛОН-ONLINE»,  афіцыйных друкаваных выданняў НЦЗПІ» .

Даведачна:

У 2024 годзе ў склад БНП увайшлі 24 новыя натарыусы, для ажыццяўлення дзейнасці якіх НЦЗПІ прадастаўляе гадавы доступ да інфармацыйна-пошукавай сістэмы «ЭТАЛОН-ONLINE».

Таксама падчас пасяджэння калегі абмеркавалі ўзаемадзеянне БНП і НЦЗПІ ў адыходзячым годзе і перспектывы супрацоўніцтва на 2025 год.