0
21 лістапада адбыўся абласны этап IV Рэспубліканскага прававога турніру «Сіла Закона». Яго арганізатарамі выступаюць НЦЗПІ сумесна з Міністэрствам адукацыі і БРСМ пры падтрымцы БДУ, Беларускага рэспубліканскага саюза юрыстаў, Інстытута павышэння кваліфікацыі і перападрыхтоўкі Следчага камітэта і Беларускай рэспубліканскай калегіі адвакатаў.
Асноўнай мэтай праекта з’яўляецца прававая асвета старшакласнікаў, павышэнне іх цікавасці да заканадаўства.
«За перамогу ў абласным (Мінскім гарадскім) туры IV Рэспубліканскага турніру «Сіла Закона» спаборнічалі больш за 400 пераможцаў раённага этапу, удзел у якім прынялі больш за 30 тысяч вучняў 9–11-х класаў з усёй рэспублікі, – расказала намеснік дырэктара НЦЗПІ Ірына Чупракова. – Ён праходзіў у фармаце анлайн-тэсціравання на Дзіцячым прававым сайце. На працягу 40 хвілін удзельнікі павінны былі адказаць на 30 пытанняў па тэме «Прэзідэнт – гарант Канстытуцыі Рэспублікі Беларусь, правоў і свабод чалавека».
Інтэлектуальны конкурс быў арганізаваны на базе ўстаноў вышэйшай адукацыі ва ўсіх абласцях Беларусі.
Старшакласнікі з г. Мінска і сталічнага рэгіёну праходзілі тэсціраванне на юрыдычным факультэце Белдзяржуніверсітэта.
Давалі наказ удзельнікам і ўручалі ўзнагароды пераможцам турніру намеснік дэкана па вучэбнай рабоце і адукацыйных інавацыях юрыдычнага факультэта, кандыдат палітычных навук, дацэнт Вольга Пабярэжная, намеснік дэкана юрыдычнага факультэта па навуковай рабоце, кандыдат юрыдычных навук, дацэнт Сяргей Калінін, дырэктары РЦПІ г. Мінска і Мінскай вобласці Руслан Века і Руслан Трухан, старшыня Мінскай абласной калегіі адвакатаў Таццяна Бачарова, прадстаўнікі БРСМ Аляксандра Бажэнава і Алена Станкевіч.
Пераможцамі абласнога этапу сярод удзельнікаў з Мінскай вобласці сталі:
• Марыя Стрыжнёва (ДУА «Лучнікоўская сярэдняя школа»);
• Арына Джанжэра (ДУА «Мінскае абласное кадэцкае вучылішча»);
• Ганна Пархімовіч (ДУА «Сярэдняя школа № 1 г. Старыя Дарогі імя Героя Савецкага Саюза Ф.Ф.Кулікова»).
У горадзе Мінску перамаглі:
• Ілля Шумскі (ДУА «Сярэдняя школа № 84 г. Мінска»);
• Валерыя Суша (ДУА «Сярэдняя школа № 30 г. Мінска»);
• Паліна Мармыш (ДУА «Сярэдняя школа № 115 г. Мінска»).
Удзельнікаў турніру з Брэсцкай вобласці прынялі ў Брэсцкім дзяржаўным універсітэце імя А.С.Пушкіна.
Пераможцамі абласнога этапу Брэсцкага рэгіёну сталі:
• Мікалай Сахно (ДУА «Сярэдняя школа № 14 г. Баранавічы»);
• Аляксандр Саскевіч (ДУА «Гімназія г. Пружаны»);
• Марат Гардзей (ДУА «Сярэдняя школа № 21 г. Баранавічы»).
Удзельнікі з Віцебскай вобласці прыехалі ў Віцебскі філіял установы адукацыі Федэрацыі прафсаюзаў Беларусі «Міжнародны ўніверсітэт МІПСА».
Пераможцамі абласнога этапу Віцебскага рэгіёну сталі:
• Ганна Папкова (УА «Полацкая дзяржаўная гімназія № 2»);
• Арына Афанасенка (ДУА «Гімназія № 2 г. Віцебска»);
• Аляксандра Елісеенка (ДУА «Сярэдняя школа № 1 г. Докшыцы»).
Удзельнікі з Гродзенскай вобласці праходзілі тэсціраванне ў Гродзенскім дзяржаўным універсітэце імя Янкі Купалы.
Пераможцамі абласнога этапу ў Гродзенскім рэгіёне сталі:
• Вера Забродзіна (ДУА «Сярэдняя школа № 42 г. Гродна»);
• Лізавета Таранцей (ДУА «Гродзенская гарадская гімназія імя А.І.Дубко»);
• Марыя Гурыновіч (ДУА «Гродзенская гарадская гімназія імя А.І.Дубко»).
Удзельнікаў з Гомельскай вобласці сустрэлі ў Гомельскім дзяржаўным універсітэце імя Францыска Скарыны.
Пераможцамі абласнога этапу ў Гомельскім рэгіёне сталі:
• Валерыя Маісеенка (ДУА «Гімназія № 36 г. Гомеля імя І.Мележа»);
• Надзея Туравец (ДУА «Сярэдняя школа № 9 г. Мазыра»);
• Аляксандра Самастроенка (ДУА «Гімназія г. Рагачова»).
У Магілёўскай вобласці месцам правядзення чарговага этапу турніру стаў Магілёўскі дзяржаўны ўніверсітэт імя А.А.Куляшова.
Перамаглі ў абласным этапе ў Магілёўскім рэгіёне:
• Арцём Ганчароў (ДУА «Сярэдняя школа № 1 г. Круглае»);
• Іван Гарбачэўскі (ДУА «Сярэдняя школа № 2 г. Горкі»);
• Ксенія Літвінава (ДУА «Сярэдняя школа № 6 г. Бабруйска»).
Усім удзельнікам былі ўручаны сертыфікаты IV Рэспубліканскага прававога турніру «Сіла Закона», пераможцы атрымалі дыпломы і падарункі ад арганізатараў.
Віншуем пераможцаў і жадаем поспехаў у рэспубліканскім фінале!
Імёны пераможцаў турніру стануць вядомыя 28 лістапада па выніках фіналу. 21 удзельнік ад абласцей і г. Мінска будзе спаборнічаць за званне лепшых.
