Пакарылі космас і адправіліся ў Праўляндыю: круіз па незвычайнай планеце разам з Дзіцячым прававым сайтам

24 ліпеня ў Дзіцячай бібліятэцы № 15 г. Мінска адбылося тэматычнае мерапрыемства для вучняў пачатковых класаў, якія наведваюць школьны лагер падчас летніх канікулаў.

У ходзе заняткаў дзеці пазнаёміліся з напаўненнем Дзіцячага прававога сайта, а таксама здзейснілі падарожжа па незвычайнай планеце Праўляндыі, якая складаецца з вострава Усязнайска, гарадоў Праваграда і Абавязкаграда. Узначаліла круіз вядучы спецыяліст НЦЗПІ Марына Галаенка, у ім таксама прынялі ўдзел сімвал mir.pravo.by – Вараня – і вядомыя ўсім сабакі-касманаўты Белка і Стрэлка.

Школьнікі пазнаёміліся з такімі дакументамі, як Закон, Дэкларацыя, Канвенцыя. Затым дапамаглі жыхарам Праваграда аднавіць змытыя дажджом надпісы з пералікам правоў дзяцей, у Абавязкаградзе ўзгадалі, якія ёсць у іх абавязкі, даведаліся пра раздзел Дзіцячага прававога сайта «Прававыя лабірынты», дзе можна знайсці ўсё вышэйпералічанае.

Тры, два, адзін! Да палёту гатовы?

Навігатарам для ўдзельнікаў палёту стаў бранзалет Дзіцячага прававога сайта, без якога ніяк не ўзляцець. Туды ж прыйшло і сказанае на дарогу пасланне ад жыхароў Праўляндыі:

Хоць вы яшчэ і дзятва,
Ёсць у вас свае правы:
Права быць здаровымі,
Разумнымі, вясёлымі,
Сытымі, шчаслівымі,
Самымі любымi.

А вы хочаце стаць касманаўтамі?

Тады заходзьце на наш сайт, запрашайце Вараня ў госці.