Прававыя рэсурсы ў дапамогу работнікам, якія ўдзельнічаюць у падрыхтоўцы і правядзенні выбараў і рэферэндумаў. Правялі семінар-практыкум у Віцебскім абласным выканаўчым камітэце

11 лістапада на базе Віцебскага аблвыканкама адбыўся семінар-практыкум па тэме «Тэорыя выбарчага працэсу ў Рэспубліцы Беларусь з выкарыстаннем эталоннай і іншай інфармацыі з дзяржаўных інфармацыйна-прававых рэсурсаў» для асоб, якія ўдзельнічаюць у падрыхтоўцы і правядзенні выбараў і рэферэндумаў. Спікерам у ім выступіла дырэктар РЦПІ Віцебскай вобласці Ларыса Дорагава.

Ларыса Мікалаеўна расказала пра дзейнасць НЦЗПІ, створанай у Рэспубліцы Беларусь дзяржаўнай сістэме прававой інфармацыі, дзяржаўных інфармацыйна-прававых рэсурсах, якія фарміруюцца Цэнтрам: Нацыянальным прававым Партале, Прававым форуме Беларусі. Яна таксама падрабязна спынілася на спосабах атрымання доступу да афіцыйнай прававой інфармацыі і заканадаўчых актах Рэспублікі Беларусь, якія рэгулююць работу выбарчай сістэмы.

Завяршаючы сустрэчу, Ларыса Дорагава падкрэсліла: «Карыстайцеся толькі праверанымі крыніцамі прававой інфармацыі ў складзе дзяржаўных інфармацыйна-прававых рэсурсаў».