Правялі прававыя навучальныя мерапрыемствы для ўдзельнікаў летняй змены ў дзіцячых лагерах Магілёўшчыны

На базе дзіцячых аздараўленчых лагераў «Любуж» і «Крыніца», размешчаных у Магілёўскім і Шклоўскім раёнах Магілёўскай вобласці, прадстаўнікі РЦПІ Магілёўскай вобласці і Маладзёжнага парламента пры Магілёўскім абласным Савеце дэпутатаў правялі пазнавальна-навучальныя мерапрыемствы для дзяцей – удзельнікаў летняй аздараўленчай змены.

Падчас мерапрыемстваў размаўлялі аб прававой культуры грамадства і чалавека, правах і абавязках грамадзян, замацаваных у заканадаўстве нашай краіны. Прадстаўнікі РЦПІ правялі для дзяцей малодшага ўзросту прававую віктарыну. Для старшакласнікаў дырэктар РЦПІ Магілёўскай вобласці Наталля Станкевіч у фармаце дзелавой гульні расказала аб юрыдычных прафесіях.

Размаўляючы на прававыя тэмы і адказваючы на пытанні падлеткаў, Наталля Уладзіміраўна нагадала аб важнасці выкарыстання дакладнай прававой інфармацыі з ранняга ўзросту. Яна падкрэсліла, што найлепшым навігатарам у сферы права для іх з’яўляецца Дзіцячы прававы сайт.

Міхаіл Пагоцкі расказаў аб ролі парламенцкага руху ў развіцці і рэалізацыі маладзёжных ініцыятыў. Ён адзначыў, што сумесныя з філіялам НЦЗПІ мерапрыемствы сталі добрай традыцыяй і з’яўляюцца адным з напрамкаў работы па прававой асвеце дзяцей і моладзі ў рэгіёне.