Сумесна з БРСЮ праведзены круглы стол «Дзяржаўныя закупкі–2025: актуальны каментарый»

24 красавіка Цэнтрам сумесна з Беларускім рэспубліканскім саюзам юрыстаў і ААТ «ЮрСпектр» праведзены круглы стол «Дзяржаўныя закупкі–2025: актуальны каментарый».

Мерапрыемства стала традыцыйным. Ужо другі год праводзіцца ініцыятыва абмена меркаваннямі экспертаў па актуальных тэмах. Праблематыка дзяржаўных закупак у чарговы раз прыцягнула ўвагу прафесійнай супольнасці, прадстаўнікоў дзяржаўных органаў, арганізацый.

З прывітальным словам адкрыла круглы стол Ірына Арлоўская, выканаўчы дырэктар грамадскага аб'яднання «Беларускі рэспубліканскі саюз юрыстаў». У якасці спікераў мерапрыемства выступілі:

Вольга Бакіноўская, намеснік кіраўніка Інстытута прававых даследаванняў – начальнік аддзела даследаванняў у галіне грамадзянскага, экалагічнага і сацыяльнага права Цэнтра з тэмай «Правядзенне працэдур дзяржаўных закупак: выконваем рамкі закона»;

Юлія Амяльчэня, вядучы навуковы супрацоўнік аддзела даследаванняў у галіне грамадзянскага, экалагічнага і сацыяльнага права Цэнтра з тэмай «Праблемныя пытанні прымянення заканадаўства аб дзяржаўных закупках і тыповыя парушэнні заканадаўства ў гэтай сферы».

У ходзе круглага стала абмеркаваны актуальныя пытанні арганізацыі і правядзення працэдур дзяржаўных закупак, канкрэтныя кейсы і прапанаваны практычныя рэкамендацыі для вырашэння спрэчных сітуацый.