Міжнародная канферэнцыя да 75-годдзя Жэнеўскіх канвенцый. Работнікі НЦЗПІ сярод удзельнікаў

Супрацоўнікі НЦЗПІ прынялі ўдзел у мерапрыемствах канферэнцыі «75 гадоў Жэнеўскім канвенцыям: дасягненні, выклікі і будучыня міжнароднага гуманітарнага права», якія праходзілі 30-31 кастрычніка ў г. Мінску.

Канферэнцыя арганізавана Місіяй Міжнароднага Камітэта Чырвонага Крыжа ў Рэспубліцы Беларусь сумесна з Пасольствам Швейцарскай Канфедэрацыі ў Рэспубліцы Беларусь і Саветам па міжнародных адносінах «Мінскі дыялог». Удзельнікамі мерапрыемства сталі прадстаўнікі шырокага кола дзяржаўных устаноў і грамадскіх аб'яднанняў, а таксама навуковага таварыства.

Навуковыя супрацоўнікі Інстытута прававых даследаванняў НЦЗПІ Ганна Рыпінская, Вераніка Чарнышова і галоўны саветнік аддзела міжнароднага права галоўнага ўпраўлення канстытуцыйнага і міжнароднага права Аксана Грышкевіч прынялі ўдзел у панэльных дыскусіях па пытаннях эвалюцыі міжнароднага гуманітарнага права, гуманітарнай дыпламатыі заканадаўства, абыходжання з асобамі пад заступніцтвам, рэгулявання прымянення сучасных тэхналогій у ваенных мэтах і інш.

Ганна Рыпінская таксама выступіла спікерам у панэльных дыскусіях, якія датычацца пытанняў распаўсюджвання ведаў аб міжнародным гуманітарным праве, дзе падзялілася сваім вопытам прымянення ведаў у галіне міжнароднага гуманітарнага права ў прафесійнай дзейнасці.