Цэнтр – удзельнік навуковых мерапрыемстваў Еўразійскага тыдня працоўнага права

18–19 снежня старшы навуковы супрацоўнік Цэнтра Надзея Салянкіна прыняла ўдзел у Еўразійскім тыдні працоўнага права «За правы працоўных! Грамадзянін як суб'ект працоўнага права: рэалізацыя і абарона правоў і законных інтарэсаў ва ўмовах сучасных выклікаў» ва Уральскім дзяржаўным юрыдычным універсітэце імя В.Ф. Якаўлева.

Навуковае мерапрыемства аб'яднала шырокае кола ўдзельнікаў з розных рэгіёнаў Расіі, прадстаўнікоў заканадаўчай і выканаўчай улады федэральнага і рэгіянальнага ўзроўняў, вучоных з вядучых юрыдычных ВНУ, прадстаўнікоў навуковай супольнасці, а таксама членаў прафсаюзных арганізацый.

18 снежня Надзея Салянкіна ўдзельнічала ў метадалагічным навукова-практычным семінары «Прафсаюзная школа» і круглым стале «Сацыяльнае партнёрства – гарантыя дастойнай працы».

19 снежня Надзея Аляксееўна выступіла з дакладам «Актуальныя пытанні рэалізацыі сацыяльна-працоўных правоў працоўных-мігрантаў у Рэспубліцы Беларусь» у рамках X Міжнароднай навукова-практычнай канферэнцыі «За правы працоўных! Грамадзянін як суб'ект працоўнага права: рэалізацыя і абарона правоў і законных інтарэсаў ва ўмовах сучасных выклікаў». Падчас дыскусіі была закранута праблематыка развіцця працоўнага заканадаўства, заканадаўства аб сацыяльным забеспячэнні, рэалізацыі сацыяльна-працоўных правоў грамадзян, адзначана роля калектыўна-дагаворнага рэгулявання ў гэтым працэсе.