У Парламент унесены распрацаваны НЦЗПІ законапраект «Об изменении кодексов по вопросам административной ответственности»

8 ліпеня Савет Міністраў Рэспублікі Беларусь унёс у Парламент законапраект «Об изменении кодексов по вопросам административной ответственности».

Праектам прадугледжана карэкціроўка двух заканадаўчых актаў: Кодэкса Рэспублікі Беларусь аб адміністрацыйных правапарушэннях і Працэсуальна-выканаўчага кодэкса Рэспублікі Беларусь аб адміністрацыйных правапарушэннях.

Падрыхтаваны дакумент упершыню пасля ўвядзення ў дзеянне ў 2021 годзе новых кодэксаў уносіць у іх комплексныя змяненні і адлюстроўвае паслядоўную прававую палітыку, накіраваную на рэалізацыю патрабаванняў Кіраўніка дзяржавы аб першачарговай прафілактычнай накіраванасці заканадаўства аб адміністрацыйнай адказнасці.

Аснову законапраекта складаюць карэкціроўкі, накіраваныя на:

• рэалізацыю даручэнняў Прэзідэнта Рэспублікі Беларусь і нормаў даручальніцкага характару, прадугледжаных актамі Кіраўніка дзяржавы;
• прывядзенне кодэксаў аб адміністрацыйнай адказнасці ў адпаведнасць з назапашанымі змяненнямі, унесенымі ў галіновае заканадаўства;
• далейшае ўдасканаленне замацаваных у новых кодэксах канцэптуальных падыходаў (павышэнне аператыўнасці адміністрацыйнага працэсу, развіццё інстытута прымянення мер выхаваўчага ўздзеяння да непаўналетніх);
• узгадненне працэсуальнай кампетэнцыі дзяржаўных органаў са сферамі іх кантрольнай дзейнасці.

Даведка

Законапраект распрацаваны НЦЗПІ ва ўзаемадзеянні з Саветам Міністраў, Вярхоўным Судом, Генеральнай пракуратурай, Камітэтам дзяржаўнага кантролю ў адпаведнасці з пунктам 23 плана падрыхтоўкі праектаў заканадаўчых актаў на 2025 год, зацверджанага Указам Прэзідэнта Рэспублікі Беларусь ад 30 снежня 2024 г. № 477.