У цэнтры ўвагі – Ганцавіцкі раён Брэсцкай вобласці

Дырэктар РЦПІ Брэсцкай вобласці Іна Савянок правяла сустрэчу з прадстаўнікамі ўстаноў адукацыі, бібліятэчнай сістэмы, прадпрымальніцтва ў горадзе Ганцавічы.

Кіраўнік філіяла Цэнтра расказала аб дзейнасці нашай арганізацыі і дзяржаўнай сістэме прававой інфармацыі.

Спікер расказала таксама аб Прававым форуме Беларусі – афіцыйнай пляцоўцы для публічнага абмеркавання праектаў нарматыўных прававых актаў.

Іна Леанідаўна звярнула ўвагу на важнасць выкарыстання ў рабоце актуальнай і дакладнай прававой інфармацыі, якую заўсёды можна атрымаць з такіх крыніц як Нацыянальны прававы Партал, ІПС «ЭТАЛОН» і «ЭТАЛОН-ONLINE». Спікер расказала таксама аб Прававым форуме Беларусі – афіцыйнай пляцоўцы для публічнага абмеркавання праектаў нарматыўных прававых актаў.

У інтэрактыўным рэжыме дырэктар РЦПІ Брэсцкай вобласці прадэманстравала магчымасці Дзіцячага прававога сайта, дзе ўся прававая інфармацыя падаецца ў займальнай і даступнай форме, у тым ліку ў відэа-і гульнявым фарматах:

«Гэты рэсурс запатрабаваны не толькі ў дзіцячай аўдыторыі, але і ў педагогаў, бацькоў і работнікаў бібліятэчнай сістэмы, таму што дапамагае ў рабоце з непаўналетнімі».

На заканчэнне Іна Савянок праінфармавала аб рабоце НЦЗПІ, якая праводзіцца па зборы прапаноў грамадзян і арганізацый па праблемных пытаннях заканадаўства, звязаных з празмернасцю рэгулявання і калізійнасцю пастаноў Урада і ведамасных актаў.

Яна таксама адказала на пытанні.