У Віцебску аб'яўлены пераможцы IV абласной міжвузаўскай алімпіяды «Наша права»

У канцы другой дэкады красавіка на базе ўпраўлення Следчага камітэта Рэспублікі Беларусь па Віцебскай вобласці адбылася IV Віцебская абласная міжвузаўская алімпіяда «Наша права», арганізатарамі якой выступілі РЦПІ Віцебскай вобласці і Віцебскае абласное аддзяленне грамадскага аб'яднання «Беларускі рэспубліканскі саюз юрыстаў».

У інтэлектуальным спаборніцтве прынялі ўдзел студэнты юрыдычных спецыяльнасцей Віцебскага дзяржаўнага ўніверсітэта імя П.М.Машэрава, Полацкага дзяржаўнага ўніверсітэта імя Еўфрасінні Полацкай, Віцебскага філіяла ўстановы адукацыі Федэрацыі прафсаюзаў Беларусі «Міжнародны ўніверсітэт «МІПСА».

Заданні складаліся з трох блокаў. Кожнай камандзе неабходна было адказаць на 30 пытанняў у фармаце брэйн-рынга, вырашыць 10 задач і паказаць валоданне практычнымі навыкамі ў сферы крыміналістыкі.

Па выніках іх выканання пераможцамі сталі:

I месца – каманда Віцебскага дзяржаўнага ўніверсітэта імя П.М.Машэрава;

ІІ месца – каманда Віцебскага філіяла ўстановы адукацыі Федэрацыі прафсаюзаў Беларусі «Міжнародны ўніверсітэт «МІПСА»;

ІІІ месца – каманда Полацкага дзяржаўнага ўніверсітэта імя Ефрасінні Полацкай.

Усім удзельнікам каманд былі ўручаны дыпломы, сертыфікаты на прадастаўленне доступу да ІПС «ЭТАЛОН-ONLINE», афіцыйныя друкаваныя выданні прававой тэматыкі НЦЗПІ і падарункі ад арганізатараў алімпіяды.

Падтрымку ў правядзенні мерапрыемства аказалі Віцебскі абласны суд, пракуратура Віцебскай вобласці, УСК па Віцебскай вобласці, Віцебская абласная натарыяльная палата і Віцебская абласная калегія адвакатаў. 

Спаборніцтва было накіравана на: 

папулярызацыю дзяржаўных інфармацыйна-прававых рэсурсаў, фарміраванне і вядзенне якіх ажыццяўляе НЦЗПІ; 

фарміраванне прафесійных кампетэнцый юрыстаў;

праверку навыкаў па асобных відах юрыдычнай дзейнасці; 

стварэнне аптымальных умоў для выяўлення таленавітых студэнтаў, іх далейшага інтэлектуальнага развіцця і прафесійнай арыентацыі.