Удзел у міжнародным круглым стале па пытаннях электроннай дзяржавы

Галоўнай тэмай міжнароднага круглага стала, які прайшоў у БДЭУ 15 лістапада, стала «Праблема ўдасканалення прававога забеспячэння развіцця інавацыйнай электроннай дзяржавы».

Арганізатарамі навуковага мерапрыемства выступілі факультэт права Беларускага дзяржаўнага эканамічнага ўніверсітэта сумесна з НЦЗПІ і Санкт-Пецярбургскім універсітэтам тэхналогій кіравання і эканомікі.

У рабоце круглага стала прынялі ўдзел прадстаўнікі юрыдычнай навукі і практыкуючыя юрысты Рэспублікі Беларусь і Расійскай Федэрацыі.

Цэнтр прадставіў старшы навуковы супрацоўнік аддзела даследаванняў у галіне дзяржаўнага будаўніцтва і інфармацыйнага права Інстытута прававых даследаванняў НЦЗПІ Іван Касцян з дакладам на тэму «Функцыянальная сістэма прававой культуры ў сферы інфармацыйнай бяспекі».