Удзельнікі канферэнцыі па пытаннях судова-экспертнай дзейнасці азнаёміліся з рэсурсамі і выданнямі НЦЗПІ

Выставачны стэнд НЦЗПІ быў прадстаўлены 17 верасня ў рамках IV Міжнароднай навукова-практычнай канферэнцыі «Роля і значэнне судова-экспертнай дзейнасці і судовай эксперталогіі ў забеспячэнні нацыянальнай бяспекі».

Удзельнікі мерапрыемства азнаёміліся з кантэнтным напаўненнем і функцыянальнымі магчымасцямі дзяржаўных інфармацыйна-прававых рэсурсаў, што фарміруюцца Цэнтрам. Для наведвальнікаў экспазіцыі праведзена прэзентацыя прававых сістэм «ЭТАЛОН» і «ЭТАЛОН-ONLINE», Нацыянальнага прававога Інтэрнэт-партала, Прававога форуму Беларусі.

Асаблівае месца на стэндзе занялі друкаваныя выданні НЦЗПІ: Канстытуцыя, кодэксы Рэспублікі Беларусь, зборнікі навуковых прац, іншыя. Вельмі зацікавіў удзельнікаў канферэнцыі навукова-практычны часопіс «Права.by», дзе рэгулярна публікуюцца даследаванні, аналітычныя і экспертныя матэрыялы па пытаннях судовай эксперталогіі, крымінальнага працэсу і забеспячэння нацыянальнай бяспекі.

Мерапрыемства, арганізаванае Навукова-практычным цэнтрам Дзяржаўнага камітэта судовых экспертыз, аб’яднала вядучых вучоных, экспертаў і прадстаўнікоў дзяржаўных органаў і арганізацый не толькі нашай краіны, але і Расіі, Кітая і Узбекістана, стаўшы важнай пляцоўкай для абмеркавання актуальных праблем крыміналістыкі.