Заканадаўства Расійскай Федэрацыі ў сістэме «Гарант»

Для забеспячэння зацікаўленых асоб у Рэспубліцы Беларусь расійскім заканадаўствам у электроннай форме НЦЗПІ і ТАА НПП «ГАРАНТ-СЕРВИС-УНИВЕРСИТЕТ» арганізавалі ўзаемадзеянне па прадастаўленні доступу да інтэрнэт-рэсурсу «Гарант» (https://internet.garant.ru/) на платнай аснове.

У інтэрнэт-сістэме «Гарант» змешчана інфармацыя аб бягучым стане заканадаўства Расійскай Федэрацыі на рускай мове. У яе ўключаны тэксты прававых актаў, судовая практыка, формы дакументаў, артыкулы, адказы на пытанні, кансультацыі і іншыя матэрыялы аналітычнага характару.

НЦЗПІ мае статус афіцыйнага партнёра ТАА «ГАРАНТ-СЕРВИС-УНИВЕРСИТЕТ» на тэрыторыі Рэспублікі Беларусь і ўпаўнаважаны ажыццяўляць дзейнасць, звязаную з распаўсюджаннем і суправаджэннем сістэмы «ГАРАНТ», а таксама з прадастаўленнем ліцэнзій на яе выкарыстанне.

Для атрымання доступу да інтэрнэт-сістэмы «Гарант» альбо яе дэманстрацыйнай версіі просьба звяртацца да спецыялістаў НЦЗПІ і яго філіялаў – рэгіянальных цэнтраў прававой інфармацыі.